BUTUAN CITY – Nangayo og pasaylo si self-confessed drug lord Kerwin Espinosa kang kanhi Senador Leila De Lima tungod sa pag duot niini sa illegal drug trade sa nasod.
Gihimo kini ni Espinosa atul sa pagdungog sa House Quad Committee kalabot na sa mga kaso sa extrajudicial killings o EJKs.
“Ma’am, patawarin n’yo ako sa ginawa ko. Nadala lang ako, naging uto-uto ako sa panahon na ‘yun para idamay ka po na wala namang katotohanan,”
Sumala pa ni Kerwin nga untana, mapasaylo siya ni de Lima tungod kay nadala ra matud pa siya kanaddtu sa sugo, diin gipugos matud pa siya sa pag-damay sa kanhing Senadora bisan og wala kini sala.
“Ma’am sa kalooban ko, from my heart I ask sorry po talaga ma’am, kung anuman ang plano mong gawin sa aking kasalanan ay handa ko pong harapin. Na-pressure lang po talaga ako noon dahil maliliit pa ang aking mga anak noong panahon na yun,”
Giklaro usab ni Kerwin ang litrato asa kauban niini ang kanhing Senadora, sumala niini nga na-timing lang matud pa nga ning laag ang iyahang pamilya kaniadtu sa Baybay, Leyte, ug didto niini nakit-an si de Lima, rason nga nagpapicture nalang kini. Kahibaloan nga ang maong litrato ang gigamit batok kang de Lima arun kini madut-an sa issue.
Kahinumduman nga giaresto si Delima kaniadto tungod sa kaso niining ma kalabutan sa tulo ka ihap sa drug-related cases. Ug ning bag-o lang, gibasura na sa Muntinlupa Regional Trial Court ang maong mga kaso.
Sayran nga gipasidan-an na matud pa si Kerwin sa amahan niining si kanhi Albuera, Leyte Mayor Mayor Rolando Espinosa nga dili una kini mo uli s Pilipinas tungod kay nakamatikod na ang amahan niini nga dunay dautang mahitabo kanila. Kontrobersyal ang kamatayon sa nasangpit nga Mayor tungod kay namatay man kini sulod mismo sa Baybay City Provincial Jail niadtung Nobyembre 5, 2016; napriso kini tungod sa pag link kaniya sa illegal nga druga sa panahonni kanhi Presidente Rodrigo Duterte.
