BUTUAN CITY – Nagmaya karon ang Labour Party human ang landslide victory sa bag-uhay lang natapos nga 2024 snap general election sa United Kingdom.
Tungod niini, ang lider sa partido nga si Sir Keir Starmer ang mahimong sunod nga bag-ong Prime Minister sa maong nasud ilabina nga nag-concede na usab si Prime Minister Rishi Sunak pasado alas-4:40 sa kaadlawon oras sa maong nasud kon alas-onse kaganinang buntag oras sa Pilipinas, dayong anunsiyo sa kada-ugan sa Labour Party ug gitawagan gilayon niya si Keir Starmer ug gitimbaya.
Makasaysayanon ang kada-ugan sa Labour Party tungod kay ilang gitapos ang 14 ka tuig nga pagpanganaw-kanaw sa righ-wing government ilalom sa Conservative party.
Sa speech ni Starmer, kinsa nagsilbing kanhi chief prosecutor ug human rights lawyer, gisaad niini nga ang ilang nasud maoy iyang unahon ug sunod ang ilang partido. Misad usab kini nga muhimo og kabag-uhan ang ilang partido ug karon na ang saktong panahon aron himuon kini.
