BUTUAN CITY – Gipalig-on sa Korte Suprema ang hukom nga nagkonbikto sa tulo ka pulis nga responsable sa pagpatay sa 17-anyos nga si Kian Loyd de los Santos atol sa gilusad nga anti-illegal drugs operations sa Caloocan City, niadtong Agusto 16, 2017.
Ang mga pulis nga sila PO3 Arnel Oares, PO1 Jeremias Pereda, ug PO1 Jerwin Cruz nahukmang guilty sa kasong murder ug gipahamtangan og reclusion perpetua kon 20 ngadto sa 40 ka tuig nga pagkabilanggo. Base sa CCTV footage ug testimonya sa mga saksi, nakita nga si Kian gipugos ug dala gipaingon sa usa ka eskinita, diin siya gipusil nga m aoy nagpa-ulbo sa kasuko sa publiko ug naghatag ug dagkong pangutana sa war on drugs sa administrasyong Duterte.
Niadtong tuig 2018, nagdesisyon ang Caloocan Regional Trial Court nga guilty ang tulo ka pulis sa kasong murder nga naklaro sa ebidensya nga si Kian wala nakig-away ug wala nagdala ug pusil.
Ang desisyon sa Korte Suprema nagpadayag nga dili mahimong pasagdan ang extrajudicial killings rason nga ang kaso ni Kian, nahimong simbolo sa kabatan-unan nga nadamay sa war on drugs.
