BUTUAN CITY – Gikondena sa People for the Ethical Treatment of Animals kon PETA, ang tag-iya sa kabayo nga giguyod sa likod sa pickup truck sa Claveria, Misamis Oriental, human nag-viral ang video sa social media.
Sa video, makita nga kapoy na kaayo ang kabayo ug naglisod na pagginhawa samtang giguyod sa kurbadahong Dragon Tail.
Sumala sa PETA ug usa ka beterinaryo, klaro nga gikapoy na kaayo ang kabayo ug dili normal ang iyang kahimtang.
Samtang gipadayag usab sa Philippine Animal Welfare Society kon PAWS nga magpasaka sila og kaso batok sa tag-iya niini nga si Jose Castro Jr., kinsa mao usab ang nag-video tungod sa pagmaltrato sa hayop nga nailhan nga si Kabang, 3 anyos.
Sigon ni Castro, endurance training method ra matud pa kini kansa iyang gigamit sulod na sa kapin 10 ka tuig, dayong butyag nga duol kaayo siya sa kabayo gawas pa nga hinay ra ang dagan sa sakyanan ug parte.
