BUTUAN CITY – Sikop sa mga kapulisan ang usa ka lalaking kawatan sa Lucknow, India, human kini naka tulog sa iyahang giransak nga balay sa usa ka Doktor. Sumala sa mga kapulisan nga naka abot na sila sa nasangpit nga balay pag mata sa maong suspek.
Dugang sa mga otoridad nga gitawagan matud pa sila sa silingan sa naasuyng Doktor, tungod kay dako man ang ilahang kahibulong dihang abli ang pertahan sa balay niini.
Sumala sa mga silingan sa doktor nga si Sunil Pandney kansa nagtrabaho sa may Balrampu Hospital, ila matud pang gilantaw ang sulod sa maong balay dihang nakita nila nga abli kini, tungod na kay dili matud pa binuhatan sa doktor nga mangabli sa iyahang pertahan.
Dere na nila nakita ang nasangpit nga lalaki nga nakatulog na sa salog tungod na usab sa kahubog niini. Sa kasamtangan, gipasakahan na og kaso sa Doktor ang nasangpit nga kawatan, ingon man dako usab ang pasalamat niini sa iyahang mga silingan nga ning tabang kaniya.
