BUTUAN CITY – Namatay ang usa ka kawatan human kini na-igo sa bugan dihang gipasalbahan sa usa ka gwardiya sa Cebu Valladolid Integrated Farm Corp. (CVIFCO) sa Barangay Guadalupe, Carcar City, Cebu, kagahapon sa kaadlawon sa Hunyo 25.
Naila ang namatay nga si Junreil Lawas Solon, hingkod ang edad ug nagpuyo sa Barangay Liboron, sa susamang siyudad.
Migawas sa imbestigasyon, nga tulo ka kawatan ang misulod sa CVIFCO pasado alas-2:00 sa kaadlawon kondiin usa niini ang nadakpan, nga gi-ilang si Delmar Legara Saura samtang mikagiw ang laing duha apan nasuta nga nabilin sa sulod ang usa nga nasamdan.
Gipasalbahan matud pa sila sa gwardiya nga si Adam Tumulak Macaron, 23-anyos, kondiin na-igo si Solon nga wala masayri ni Macaron.
Adiser pa nasayran ang iyang gidangatan dihang mi-adto sa maong kompanya ang pamilya ni Solon pagka-alas 5:00 na sa hapon, kondiin nakit-an si Solon nga patay ug anaa sa kalibonan sulod sa compound, nga adunay samad sa bugan.
Gidakop sa mga pulis si Macaron pasado alas-11:25 kagabii.
