Katy Perry nanganak na og usa ka himsog nga batang babaye

BUTUAN CITY – Gi-anunsyo nila Katy Perry ug Orlando Bloom ang pagkahimugso sa ilang unang anak nga ilang ginganlan og Daisy Dove Bloom.

Gipadayag sa magti-ayon nga daw gibayaw sila sa langit nga puno sa gugma human ang luwas nga pagkatawo sa ilang anak dungan sa pag-share sa usa ka black-and-white picture nga naggunit sila sa gamay’ng kamot ni Daisy.

Gikumpirma ni Perry ang iyang pagmabdos sa music video alang sa iyang single nga ‘Never Worn White’ sa sayong bahin ning tuiga.

Ilang gibutyag  nga nagmugna sila og donation page anga magti-maan sa  adlaw’ng natawhan ni Daisy kondiin ang kwarta mapadulong ngadto sa mga bag-ong inahan ug sa ilang mga anak.