BUTUAN CITY – Mu-abot sa sobra katunga sa mga noche buena products ang dunay increase sa presyo base sa pinaka-ulahing suggested retail prize nga gipagawas sa Department of Trade and Industry kon DTI.
Sigon ni Arcily Cabanilla-Gonzaga, ang Consumer Protection Division Chief sa DTI-Agusan Del Norte, sa 240 ka mga stock keeping units nga ilang gi-monitor, 150 niini ang dunay increase sa presyo.
Sa maong ihap, 35 porsiento niini ang nag-increase og 1.5 porsiento, 15 porsiento usab ang duna’y increase nga 6 ngadto sa 10 porsiento ug 13 porsiento usab ang dunay increase nga sobra sa 10 porsiento.
Lakip sa mga nag-increase og presyo ang ham, fruit cocktail, keso de bola, cheeze, sandwich spread, mayonnaise, pasta, spaghetti, elbow macaroni, spaghetti sauce, tomato sauce ug all purpose cream.
Hinoon dunay mga produkto usab nga nagpa-ubos sa ilang presyo. Pasabot pa ni Gonzaga, dili kini angay ika-alarma tungod kay reasonable matud pa kini human mi-agi sa saktong pakisusi
