BUTUAN CITY – Gi-andam na ang hero’s welcome sa Aklan alang kang beauty queen Kathleen Joy Paton human kini gikoronahang 2022 Miss Eco International sa pageant nga gipahigayon sa Jolie Ville Resort & SPA kings Island Luxor sa Luxor, Egypt kagahapong adlawa, Biernes.
Dihang gipangutana siya kalabot sa water pollution sa Top 10, gipadayag ni Kathleen nga problema pa gihapon hangtud karon sa kadaghanang mga Pino ang access ngadto sa limpyong tubig ma-inom.
Shock ang pambato sa Pilipinas human nga siya ang mipatigbabaw nga mananaog gikan sa dul-an 50 ka mga kandidata kondiin tungod sa iyang ka-elegante, katahom ug ka-intelihente, kanunay siyang sulod sa Top 21, dayong ngadto sa Top 10, hangtud na sa Top 5.
Napiling first runner-up si Miss Belgium Chloë Reweghs ug second runner-up si Miss USA Jesaura ‘Jessy’ Peralta.
Si Paton ang ikaduhang Pinay beauty nga nakasakmit sa Miss Eco International sunod kang Cynthia Thormalla niadtong 2018. Nangunguna sa adbokasiya ni Paton ang pagpakusog sa mental health ug paghatag og kamahinungfanon sa kina-iyahan.
Ang 25-anyos na si Kathleen gipanganak sa isla sa Boracay gikan sa Australyanong amahan ug Aklanon nga inahang si Luz Sinag Paton nga taga-Laserna, Nabas, Aklan.
