BUTUAN CITY – Gipahinumduman sa Regional nga buhatan sa National Telecommunications Commission ang mga katawhan sa Caraga ingon man ang kinatibuk-ang mga Pilipino nga mag-amping gayod ning panahona ilabi na nga nanaghan na ang mga scammers.
Sumala ni Engr. Ferdinand Flores Mortera, ang Regional Director sa maong buhatan nga tungod kay daghna namang mga tawo karon ang siguradong dunay kwarta tungod sa mga bunuses ingon man mga 13th month pay, ning gara na usab ang mga scammers.
Sumala sa opisyal nga dili gayod pang tuplokon ang mga link sa mga madawat gikan sa mga text message nga kalit lang ning-abot sa imong cellphone tungod kay usa lamang kini ka scam, dili usab dali-dali nga ihatag ang mga One Time Password sa mga e-wallets o kaha sa mga bank account kung dunay mangayo niini tungod kay mamahimo gayod nga scam lamang kini.
