BUTUAN CITY – Pormal nang naghaon si Vice President Sara Duterte og kasong perjury batuk kang Ramil Madriaga sa Taguig City Prosecutor’s Office niadtong Marso 4, 2026.
Gibutyag ni Duterte nga si Madriaga, nga akusado sa kasong kidnapping, nagpaka-aron ingnon nga campaign supporter adiser mitumaw isip testigo sa impeachment batuk kaniya.
Mahinumdumang si Ramil Madriaga ang kanhe staff sa Office of the Vice President nga misangpot sa pagsumite sa affidavit nga nagbutyag ang kampanya ni Duterte gipondohan sa mga drug dealers ug Philippine Offshore Gaming Operators (POGOs).
Ang iyang testimonya lakip sa mga dokumentong gisubmite sa ikatulong impeachment complaint batuk sa Bise Presidente, nga kasamtangang gihisgutan sa House Committee on Justice.
Ang reklamo dunay unom ka basehan lakip na ang matud pay plunder, graft, sayop nga paggamit sa pondo ug hulga sa pagpatay.
Pamugos ni Duterte, dili mamahimong tugutang ilaron ang publiko sa mga imbentong estorya ug ang iyang abogado nga si Atty. Paolo Panelo Jr. ang moatubang sa media aron tubagon ang mga pangutana mahitungod sa kaso.
