BUTUAN CITY – Gi-andam na ang kasong ipasaka batok sa drug personality nga si alyas Rey, 39-anyos, residente sa Barangay Union, Dapa, Surigao del Norte apan nadakpan sa Barangay 6, Poblacion sa susamang lungsod. Nakuhaan siya og 180-mil pisos nga balor sa 16 ka mga sachets sa gituohang shabu kansa ningtimbang og 27-gramos.
Sumala ni PCaptain Violeto Pepito Jr., acting Chief of Police sa Dapa Municipal Police Station, kini ang pinaka-unang higayon nga ubay-ubay nga shabu ang ilang nakuha ug subay sa imbestigasyon, dili lamang unta kini ang ilang makuha tungod kay daghan na matud pa kini og gi-agihan nga mga lugar diin gituohang gihagbong niini ang mga dala niyang items, apil na dinhi sa dakbayan sa Butuan.
Nasayrang kanhi drug surrenderee ang maong suspek sa dakbayan sa Butuan kondiin nakapuyo usab kini sa Barangay Baobaoan kaniadto.
Ang pamahayag ni PCaptain Violeto Pepito Jr., cting Chief of Police sa Dapa Municipal Police Station.
Atubangon sa maong suspek ang kasong paglapas sa Section 5 ug Section 11 ilawom sa Article II of Republic Act No. 9165 kon Comprehensive Dangerous Drugs Act of 2002.
