BUTUAN CITY – Gi-andam na sa Philippine Drug Enforcement Agency kon PDEA-Caraga ang mga kasong ipasaka batuk sa duha ka mga drug personalities nga nadakpan sa gilusad nga drug buy-bust operation kagahapon didto sa Purok 1, Brgy. Sta. Irene, Bayugan City, lalawigan sa Agusan del Sur.
Mga kasong paglapas sa sections 5 ug 11, Article II sa Republic Act 9165 ang atubangon nila Octomar Demetrio, 32-anyos, residente sa Brgy. Baan Km. 3, ning siyudad sa Butuan ug Janray Cala, 22-anyos, residente usab sa Purok 5, Brgy. Doña Rosario, lungsod sa Tubay, Agusan del Norte.
Kini human nakuha gikan sa posisyon ang 16 ka kilo sa suspected shabu nga gibana-banang nagkantidad og 108-milyunes pisos. Sumala ni Dindo Abellanosa, ang tigpamaba sa PDEA Caraga, halos duha ka bulan ang ilang gihimong surveillance sa nahisgutang mga indibidwal tungod sa pagpamaligya og illegal nga druga. Kini na ang pinakadakong operasyon nga ilang nahimo sukad pa niadtung tuig 2002.
Ang pamahayag ni Dindo Abellanosa, tigpamaba sa Philippine Drug Enforcement Agency kon PDEA Caraga.
