BUTUAN CITY – Napasaka na ang kasong homicide batuk sa usa ka uyuan nga miluba-patay sa iyang pag-omangkon sa pag-agawan sa niaging alas 4:30 sa hapon sa may Purok-6 Barangay Colorado, Jabonga, Agusan Del Norte.
Naila ang biktimang si Ronald Monton alyas Teteng, hingkod ang panuigon,olitawo ug residente sa maong dapit, samtang ang suspetsado mao si Jomar Sereño, alyas Dado, hingkod ang panuigon, dunay kapuyo, lumad nga taga Barangay Lawigan, Tubay, ug kasamtangang nagpuyo Barangay Colorado, Jabonga, Agusan Del Norte.
Sa impormasyong nakuha ning sibyahan, nag-videoke matud pa ang duruha samtang nag-inom-inom sa ilimnong makahubog, sa dihang kalit nga milakaw ang uyuan ug sa pagbalik niini, dala na ang mahait nga hinang-giban.
Walay pagduha-duha nga giluba sa suspek ang biktima nga maayong pagka-igo sa dughan niini.
Gidala pa kini sa Jabonga Emergency Hospital apan gideklarang dead-on-arrival sa attending physician.
