BUTUAN CITY – Nakahilak si Hollywood actor Alec Baldwin human gi-dismiss sa New Mexico judge ang kasong involuntary manslaughter nga gipasaka batuk kaniya tungod sa duguong pagpamusil sa set sa iyang pelikulang Rust.
Nabasura ang pagtaral sa ikatulo ka adlaw nga pagtaral kang Baldwin sa Santa Fe, ang korte kansa pila ka milyas lang gikan diin gipusil sa aktor ang iyang cinematorapher nga si Halyna Hutchins, gamit ang revolver nga maoy gigamit sa aktor atol sa rehearsals.
Kini na ang ikaduhang higayon nga nga gibasura ang kaso batuk sa aktor sukad sa nahitabo niadtong October 2021 ug ning panahuna, dili na siya taralon.
Gi-alegahan sa iyang mga abogado ang mga pulis ug mga prosecutors nga nagtago og mga ebidensya nga mao ang usa ka batch sa mga bala nga posibleng makutay sa pagpamusil.
Ang nag-unang aspeto mao kung nganong naka-abot sa set ang bala ug gikwestyon pa sa iyang mga abogado ang imbestigasyon ug sayop nga nahimo sa mga otoridad nga miproseso sa crime scene.
Gitugutan ni Judge Mary Marlowe Sommer ang ilang motion to dismiss sa kaso tungod sa dili tukma nga gipakitang mga ebidensya sa rasong ang gikuptan matud pa nga mga imprmasyon sa estado, gituyo.
