BUTUAN CITY – Misaka og 506-porsiento ang kaso sa tipdas dinhi sa Caraga Region karong tuiga kumpara sa natala ning mi-aging tuig.
Base sa disease surveillance report sa Center for Health Development kon CHD-Caraga, gikan niadtong Enero hangtud Hunyo 22 ning tuiga, nakatala sila og kinatibuk-ang 1,206 ka mga kaso gikan sa managlahing disease reporting units ning rehiyon.
Sukad sa pagsugod ning tuiga, nakatala ang maong ahensya og 20 ka mga tawong namatay kondiin 18 niini, naggikan sa lalawigan sa Agusan del Sur kinsa kadaghanan, naggikan usab sa mga komunidad sa mga lumad.
Tungod niini, nag-mobilize na ang CHD-Caraga og mga nurses nga ilang gi-hire ubos sa contract of service aron mu-abag sa local health staff diha sa ilang mga advocacy og vaccination activities.
Gawas niini, naka-preposition na usab ang mga logistics og mga bakuna sa mga provincial health offices aron duna’y sayon nga access ang mga rural health units.
Gihimo na usab nila ang Rapid Coverage Assessment kon RCA sa tibuok rehiyon aron maseguro nga ang tanang barangay, covered sa mga vaccination teams gamit ang ilang dagko nga mga communication channels.
