BUTUAN CITY – Anaa na sa alert status ang natala karong kaso sa tipdas sa Caraga Region human mi-abot sa 53 ka mga kaso ang natala sa Department of Health kon DOH- Region XIII gikan sa Enero hangtud Pebrero 6 ning tuiga.
Sigon ni regional director Jose Llacuna sa eksklusibong interview sa Bombo Radyo Butuan, ilang gitututukan karon ang Surigao City tungod sa maong ihap tungod kay 27 niini anaa sa maong siyudad samtang 18 usab sa Surigao del Norte.
Tungod niini, nakig-alayon na sila sa mga local officials sa maong mga local government units kondiin mihimo na sila og mapping-up immunization pinaagi sa house-to-house og purok-to-purok visitation.
Gi-awhag usab niini ang mga ginikanan nga dalhon na sa pinakaduol nga health centers ang ilang mga anak aron mabakunahan na og kontra tipdas. (Beth Ruiz)
