BUTUAN CITY-Gipakgang sa operatiba sa Regional Anti-Cybercrime Unit 13 kon RACU-13 ang klase-klase nga kaso sa Online Scam pinaagi sa anti-cybercrime operations nga miresulta sa pagdakop sa pipila ka suspek pinaagi sa entrapment operation.
Sumala ni PCOL Lemuel Gonda, Regional Chief sa RACU-13, Matod niini, ang operasyon gihimo human sa mga nadawat nga reklamo gikan sa mga biktima sa online transactions ug social media platforms.
Pinaagi sa koordinasyon sa complainant ug sa mga operatiba, giplano ang entrapment operations aron mahatagan sa pagtagad ang mga suspek nga nagpaluyo sa iligal nga kalihokan sa internet.
Gidasig usab ni Gonda, ang publiko nga i-report gilayon ang mga online scam ug uban pang cybercrime aron malikayan ang dugang nga biktima ug mas mapakusgan pa ang kampanya batok krimen.
