BUTUAN CITY – Gilaumang mokabat sa tunga sa milyon ang mga kaso sa human immunodeficiency virus (HIV) sa Pilipinas pag abot sa 6 ka tuig sigon sa Department of Health (DOH).
Sumala ni Health spokesperson Dr. Eric Tayag nakatala na ang Pilipinas og 50 ka mga bag-ong kaso sa HIV kada adlaw, sa kasamtangan, anaa na sa 185,000 ang ihap sa mga niini sa nasod. Sumala sa maong opisyal nga usa ang social media sa mga nag unang hinungdan sa pag saka sa maong kaso sa Pilipinas, tungod kay dali nalang matud pa ang pagpangita og mga sexual partner bisan kon walay kasigurohan kung duna ba kini HIV asa 40% lamang ang nas test sa maong sakit dinhia sa nasod.
Dugang niini, mayorya sa mga dunay HIV sa Pilipinas kay nag edad 25 hangtud 34 anyos, samtang, ning taas usab ang mga kaso sa mga edad 15 hangtud 24 anyos. Sa kasakmtangan, nag lusad usab ang DOH ug information campaign sa pag awhag sa publiko nga bisitahon ang ilahang mga testing gu treatment hubs para mapugngan ang pag kuyanap sa maong sakit.
