BUTUAN CITY – Walay hunong ang pagsaka sa ihap sa Covid-19 sa Caraga.
Kung kagahapon muabot sa 93 ka bag-ong kaso ang gi-anunsiyo sa Department of Health kon DOH-Caraga, karung adlawa muabot na usab sa 47 ka mga bag-ong kaso.
Kini gilangkuban sa 26 ka mga babaye og 21 ka mga lalaki.
Ang bag-ong kaso nagsumikad sa Agusan Del Norte nga dunay 9 nga gilangkuban sa tag-tulo sa lungsod sa Magallanes og RTR, Samntiago-2, og Nasipit-1; Sa Cabadbaran City-3; Agusan Del Sur nga dunay 5 pinaagi sa San Francisco-2, BUnawan-1, Sta. Josefa-1 og Trento-1; Sa Bayugan City-1; Surigao Del Norte-2; usa sa Tago, Surigao Del Sur; Usa sa Awasian, Tandag City og Butuan City nga dunay 25 ka mga kaso.
Dinhe ning siyudad, nagsumikad ang mga kaso sa Barangay Libertad og Villa Kananga nga dunay tag-4; tag-duha usab sa Ambago, Banza, Imadejas, limaha; tag-usa usab sa Barangay Agusan Pequeño, Babag, Bayanihan, Buhangin, Maon, Pangabugan, San Ignacio, Taguibo og Tiniwisan.
Sa mga bag-ong kaso, 35 ang local transmission diin 19 ang bag-ong local transmission, 9 ang dunay close contact, health care workers-3, og frontliners-4.
Sa natalang kumpirmadong kaso, 23 ang asymptomatic, mild-21, severe-2, og usa ang critical.
Samtang dunay usa usab nga nadugang sa listahan sa mga napatay tungod sa Covid-19. Kini mao ang 69-anyos lalaki sa Butuan City, kansa dunay chronic kidney disease, gi-ubo og lisud nga pag-ginhawa niadtong Oktubre 3 og na-admit sa Oktubre 10 apan nakabsan sa kinabuhi paglabay sa pipila ka oras.
Sa pagkakarun, misaka na sa 1, 881 ang cumulative cases sa Covid-19 sa Caraga diin 1, 181 ang nakarekober na, 625 ang aktibong kaso og 75 ang patay.
