BUTUAN CITY – Padayon ang pagsaka sa ihap sa kumpirmadong kaso sa Covid-19 sa rehiyon sa Caraga samtang usa usab ang nadugang sa listahan sa mga napatay.
Kini human nadugangan na usab og 20 ka bag-ong kaso kagahapong adlawa. Sa pag-anunsiyo sa Department of Health kon DOH-Caraga, ang mga nadugang nga kaso nagsumikad sa Butuan City nga dunay 11, Bislig City dunay 6 og Agusan Del Sur nga dunay 3 pinaagi sa Bunawan 2 og San Francisco usa.
Sa nasangpit nga ihap, 8 ang asymptomatic, 11 ang dunay mild symptoms og 1 ang severe. Sa nadugang nga kaso, 17 ang local transmission, usa ang dunay travel history sa lugar nga dunay kaso sa Covid-19 og 2 ang Locally Stranded Individuals kon LSI.
Dire sa Butuan ang nadugang nga kaso nagsumikad sa Libertad nga dunay 2 samtang tag-usa sa Barangay Ampayon, Cabcabon, Baan km-3, Bayanihan, Golden Ribbon, Imadejas, San Vicente, Villa Kananga og Maon. Samtang ang napatay mao ang 63-anyos nga lalaki gikan sa Butuan City kansa Hypertensive.
Mibati kini og mga simtomas sa Covid-19 niadtng Setyembre 10 og nadala sa ospital sa Setyembre 14 apan nakabsan sa kinabuhi tungod sa kumplikasyon sa Setyembre 19.
Sa pagkuha ning balita, ang commulative Covid-19 casessa Caraga mitongtong na sa 993 diin 582 ang nakarekober, 382 ang aktibong kaso og 29 ang patay.
