BUTUAN CITY – Kampante si Atty. Nicholas Kaufman, ang nangunang abogado ni kanhi Pangulong Rodrigo Duterte, nga dunay kusog nga argumento matud pa sila aron ihunong ang kaso batuk kang Duterte sa International Criminal Court kon ICC adiser pa man kini moagi sa pagtaral.
Gitumbok ni Kaufman nga dili sakop sa hurisdiksiyon sa ICC ang kaso tungod sa paghawas sa Pilipinas sa international court adiser pa man in-authorize ang imbestigasyon batuk sa kanhi Pangulo.
Dugang pa ni Kaufman nga ang pag-withdraw sa Pilipinas gikan sa ICC nahimong epektibo adiser pa man magsugod ang ilang imbestigasyon.
Naglaum usab kining magmalampuson ang ilang depensa kung madawat sa korte ang ilang argumento nga mag-abli usab sa posibilidad nga dili mahinayon ang confirmation-of-charges hearing nga nakatakda sa Setyembre 23, 2025.
Samtang gipasabot pa ni Atty. Kaufman nga ang pag-aresto kang Duterte ug ang paspas nga pagpasa kaniya sa ICC usa ka “kidnapping” ug “extrajudicial rendition,” nga supak sa balaod sa Pilipinas.
Apan una nang gipahayag sa gobyerno sa Pilipinas nga ang pagsurender kang Duterte sa ICC kabahin lang sa ilang obligasyon sa International Criminal Police Organization ug wala nagpasabot nga duna nay sala ang kanhi Pangulo.
