BUTUAN CITY – Nagmalampuson ang mga kalihukang gihan-ay sa lokal nga kagamhanan ning siyudad sa Butuan subay sa ika-69 nga kasa-ulugan sa Adlaw Hong Butuan kansa gisa-ulog niadtong Agusto 2.
Apil na niini ang Butuanon Tukar 2019, kondiin ang bandang Ethnikos, gikan sa Baan Km. 3, ang mikampyon og ilang nadawat ang ganting 40-mil pesos. First placer ang Akostik Angels, gikan sa Brgy. Libertad, nga nakadawat og 15,000 pesos og 2nd placer ang bandang Signos gikan sa Brgy. San Vicente nga nakadawat og 10-mil pesos.
Samtang ang ubang misalmot nga banda nakadawat og consolation prize ng 5,000-pesos.
Ang vocalist sa bandang Elemento ang napiling Best in Vocals og nakadawat usa og 5,000 pesos.
Gawas niini, malampuson usab ang uban pang kompetisyon sama sa 1st Longboard Downhill competition og ang 42K marathon.
