BUTUAN CITY- Nakab-ot ni Karl Eldrew Yulo ang iyang unang gold medal sa seniors level human nag-una sa floor exercise sa FIG Artistic Gymnastics World Cup Series sa Antalya, Turkey kagahapon Sabado.
Mingdaog ang 18-anyos nga gymnast human makakuha og 14.100 points sa final round, kung asa nakakuha kini og 5.3 sa difficulty ug 8.8 sa execution.
Mingpwesto sa ika-duha si Eamon Montgomery sa Ireland nga adunay 13.833 points alang sa silver medal, samtang nakuha usab ni Rayderley Zapata sa Spain ang bronze human makatala og 13.333 points.
Si Karl Eldrew manghud sa two-time Olympic champion nga si Carlos Yulo. Nahuman kini sa ika-upat nga puwesto sa qualification round adiser mipakita og mas lig-on nga performance sa final.
Una na usab mipakita og nindto nga performance si Yulo sa World Cup leg sa Baku, Azerbaijan, kung asa nakasulod usab kini sa finals sa floor exercise ug horizontal bar.
