BUTUAN CITY – Gi-suprisa sa usa ka drug test ang mga pulis sa Siargao Island, ug mga munisipalidad sa Surigao del Norte ni Chief Supt. Rolando B, Felix, Regional director sa PRO-13, kansa nibisita ug nisusi sa nasanpit nga mga lugar.
Miabot sa kinatibuk-ang 51 ka police officers gikan sa General Luna, Burgos ug San Benito ang napailalom sa drug test nga gilusad sa Provincial Crime Laboratory Office.
Sigon ni Chief Supt. Felix nga kadtong wala naka-apil sa screening test , ipa-ilalom sa imbestigasyun.
Samtang ang magpositibo sa illegal nga drugas, kasuhan ug administratibo ug palagpoton sa serbisyu.
Nasayrang base sa records sa Discipline, Law and Order Section, 25 ka police officers sa Caraga region ang nagpositibo sa pag-gamit sa illegal drugs ug napahawa na sa serbisyu sukad niadtong 2014 ngadto sa 2016.
Gipamugos pa sa opisyal nga ang drug test kabahin sa padayong paglimpiyu diha sa han-ay sa Philippine National Police.
