BUTUAN CITY- Andam na ang kinatibuk-ang pwersa sa kapulisan sa Agusan del Norte alang sa pagdeploy kanila ngadto sa mga sam-ang panahon sa kalag-kalag taliwala pa man sa pandemya.
Kini ang gibutyag ni Provincial Dir. PCol. Martin GAmba sa eksklusibong pakighinabi ning sibyahan kondiin gibutyag pa niini nga ning miaging semana, nakigtigom na ang kapulisan ngadto sa lokal nga panggamhanan ingun man sa mga barangay officials aron ma-andam na ang angay alang sa umaabot nga kalag kalag ilabina nga hugot gihapon nga ginadili ang dagkong panagtapok.
Sumala niini, dunay mga security plans nga ipatuman sugod karung Octobre 29 hangtod sa Nobyembre 4 kondiin ubay-ubay ka mga kapulisan ang e –deploy aron maoy mag pahibalo kanunay sa mga mudu-aw sa ilang mga mahal sa kinabuhi ang perming pagsunod sa minimum standard protocols aron sa ingun nga makalikay sa makatakod nga virus.
Gani ang masakpan nga dili musunod sa gipatumang health protocols sulod sa mga sam-ang unang buhaton lang mao ang subling pahimangno ingun man warning apan kung dili gyud maminaw posibleng mapugos ilang isyuhan kini og ticket aron sa ingun nga magmayngon na sa kanunay.
Dugang pa sa opisyal, mahimong rotational usab ang pamaagi sa ilang pag assign sa mga kapulisan sa matag area sa sementeryo sa Agusan del Norte apan duna usab uab nga reserve aron sa ingun nga kung dunay nga emehensiya dunay maka responde gilayon.
