BUTUAN CITY – Giangkon ni kanhi Presidente Rodrigo Roa Duterte, atul sa pag atubang niini sa Senate Blue Ribbon subcommittee Hearing kagahapon adlawa nga gimanduan niini ang mga kapulisan kaniadtu nga dasigon ang mga kriminal nga mo bunot sa ilahang mga pusil, arun nga kung mahitabo kini, dinhi na sila mamahimong patyon sa mga ning responde nga mga pulis.
Kini ang gikataho sa kanhi Presidente alayon na usab sa imbestigasyon sa war on drugs nga gipangunahan niini niadtung siya pa ang Presidente.
Subay sa maong impormasyon nga giluwatan sa kanhi Presidente kansa gika-kugang sa kadaghanang anaa sa nasangpit nga pagdungog, gisita gilayon kini ni Senadora Risa Hontiveros, ilabi na nga nagtoo kining dili matud pa ingon niadtu ang trabaho sa mga kapulisan.
Ang tipik sa pag baraw ni Senadora Risa kang Pangulong Duterte. Alayon niini, giangkon usab sa kanhi Presidente nga duna siya’y gimugnang death squad nga gilangkuban sa pito ka mga tawo niadtung siya pa ang Presidente sa Davao, kansa wala usab palabya ni Senadora Risa Hontiveros, diin gipangutana niini kung unsa ang structure sa maong organisasyon ug kinsa ang mga tawong nalambigit niini.
Tubag sa kanhi pangulo, batuk lang sa mga kriminal ug mga kremin ang maong grupo nga gimugna matud pa sa mga adunahang indibidwal sa Davao City nga wala’y laing gusto kondili ang kalinaw lang sa ilang siyudad.
Subay niini, gitawag usab ni Senadora Hontiveros ang maong impormasyon isip “bombshell” tungod kay kini matud pa ang dakong tipik sa ilahang imbestigasyon, mahitungod sa pangutana kung template ba gayud ang syudad sa Davao mahitungod sa War on Drugs ni Duterte.
Ang pamahayag ni Senadora Risa Hontiveros.
