BUTUAN CITY – Gitahasan ni Philippine National Police (PNP) chief Police Director Gen. Rommel Francisco Marbil ang tanang mga police units sa nasod nga tubagon gilayon ang 911 emergency calls sulod lang sa tulo ka minutos.
Sigon ni Marbil, isip kabahin sa paningkamot sa Philippine National Police nga mas mapalig-on pa ang kaluwasan sa publiko ug aron masigurong marespondehan gilayon ang mga krimen sa tibook Pilipinas sa labing daling panahon, kinahanglang dali rang makarepsonde ang kapulisan sa mga distress calls sa katawhan.
Dugang sa opisyal, kinahanglang mahatagan og pagtagad sa kapulisan ang tanang mga Pilipino bisan unsa pa man ang ilang sitwasyon o estado sa kinabuhi. Dugang niini, ang revitalized 911 hotline matud pa kay usa ka technological improvement, kansa usa sa ilang mga misyon.
