BUTUAN CITY – Gimanduan sa usa ka korte sa Davao City court ang Philippine National Police pagtangtang sa ilang mga barriers palibot sa Kingdom of Jesus Christ compound, tungod kay nakabaabag kini sa katungod sa mga membro paghimo sa ilang relihiyuso, academic ug proprietary rights.
Ang temporary protection order nga gi-isyu sa Regional Trial Court Branch 15 nagmando usab sa PNP pag-cease and desist sa labing daling panahon gikan sa bisan unsa mang akto o kaha omission nga naghulga sa kinabuhi, kagawasan o kaha siguridad sa tanang mga propiedad sa mga petitioners.
Wala pa giklaro kung kini nagpasabot ba nga ang PNP kinahanglang muhunong na sa ilang kinatibuk-ang operasyon.
Madumdumang nagsugod pagsulod ang kapulisan sa KOJC compound sukad pa niadtong Sabado sa buntag aron pagpangita kang Pastor Apollo Quiboloy, kinsa maoy subject sa mga arrests warrants ang sa mga kasong pag-abuso ug human trafficking nga gipasaka sa mga korte sa Davao City ug sa Pasig.
