BUTUAN CITY – Gipamatud-an ni Alma Rizza Hitalla Delfin, graduate sa Caraga State University kon CSU, nga dili babag sa kalampusan ang kapobrehon, human nabutang sa rank 7 sa Geodetic Engineer Licensure Exam.
Sa eksklusibong pakighinabi sa Bombo Radyo Butuan, gibutyag ni Delfin nga gipaningkamutan niya nga mag-top sa maong eksaminasyon, aron kung magkagamay-gamay ang iskor, dili ra siya mabagsak apan wala siya nagdahom nga matinood ang iyahang gipaningkamutan tungod kay dili man lalim ang kalisod nga ilahang gi-agihan sa exam.
Sigon niini nga dakong hagit usab kaniya ang kapobrehon ilabi na nga welder lang ang iyahang amahan ug anaa ra sa balay ang iyang inahan, rason nga niadtung panahon sa pandmeya, nag-parttime pa siya og trabaho.
Apan taliwala pa man nga nagtoo ang maong topnotcher nga dili babag ang kapobrehon sa kalampusan, wala usab niini ginegar ang kamatuoran nga swerte pa siya sa iyahang sitwasyon sanglit duna may uban nga wala na gayuy madawdaw sa kinabuhi, ilabi na niadtung wala na usay mga ginikanan.
