BUTUAN CITY – Tingkagol karun sa prisuhan ang usa ka senior citizen nga kapitana sa Barangay Dankias, Butuan City human gi-aresto pinaagi sa judgement order nga dunay petsang Enero 10, 2023 og gipagawas ni Hon. MARIGEL S. DAGANI – HUGO, Presiding Judge sa Regional Trial Court Branch 3, Butuan City.
Naila ang gidakop nga kapitan nga si Adela Baclayon Butcon, 60-anyos nga residente sa Purok 2, Brgy. Dankias, Butuan City.
Gisikop kini human nakumbikto sa kremin nga may kalapasan sa RA 3019 kon ANTI-GRAFT AND CORRUPT PRACTICES ACT ilalom sa Criminal Case No. 2022-139. Sa pakighinabi ning sibyahan kang Police Major Rodel Dorado, hepe sa Butuan City Police Station kon BCPS-3, giklaro niining duna silay gisunod nga proseso adiser ihatud ngadto sa Butuan City Jail si Kapitana Butcon.
Sumala pa sa opisyal nga mipailalom sa 21 ka adlaw nga kwarentina ang dinakpan adiser ang medical examination diin seguruhon ang physical condition adiser iduso ngadto sa City Jail./
Nasayran nga niadtong Enero 19 sa alas 4:40 sa hapon sa dihang gi-serve ang nasangpit nga judgement order sulod sa Hall of Justice, Brgy. Libertad, Butuan City.
