BUTUAN CITY – Wala damha sa Barangay Kapitan sa Barangay Tagabaca, Butuan City nga lakip siya ang mahimong mananaog sa gihimong grand draw kagahapong adlawa sa Bombo Radyo.
Sigon sa mananaog sa 5-mil pesos nga si Nimfa Nalogon nga taga Purok-1A, sa maong barangay, niadto pang Huwebes siya mihulog og entry nga muabot sa 75 lang rasong wala na siya dahum pa.
Apan nag-atangf gihapon kini sa gihimo nga draw hangtud nga naputol human napalong ang sugang dagitabnon.
Rasong hilabihan ang iyang kalipay human gipahibalo sa Bombo Radyo nga siya ang nahimong mananaog sa 5-mil ka pesos nga gante. Dakong tabang na matud pa kini ilabina karung anaa kita sa krises nga hatud sa Covid-19.
Tungod niini, nanawagan siya sa katawhan nga dili palabyon ang mga pa-promo sa Bombo Radyo aron makabaton og tsan-sa og dunay muabot nga wala damha nga grasya gikan sa Ginoo.
Lakip sa midaug kagahapong adlawa mao si Barcelita Pepino nga taga Purok-5, Barangay Ampayon Butuan City nga nakadawat og 10-mil ka pesos nga gante human nabunutan ang entry nga dunay proof of pruchase nga Silver Swan.
Samtang ang nahimong mananaog sa 15-mil pesos mao si Tessie Malabon, nga taga Purok-4, Barangay Doongan Butuan City.
