BUTUAN CITY – Gibana-banang muabot sa kapin usa ka milyon ka pesos ang katibuk-ang kantidad nga natangag sa mga tulisan human niini gisulod ang courier service nga nahimutang sa Barangay Poblacion sa Trento, Agusan Del Sur pasado alas 8:00 kagabii.
Base sa nakuhang impormasyon gikan sa kapulisan, wala na makalihok pa ang guwardiya sa J and T Express sa dihang misulod ang mga armadong tulisan og siya giti-onan sa mubo nga klase sa armas.
Adiser matud pa nanguha og mga gamit og cash ang mga tulisan, una niining gikuha ang issued firearm sa security guard nga nailang si Mark Ternora Miguel, menyu, 32-anyos nga residente sa mao rang barangay.
Lakip sa natangag sa mga suspetsado ang salaping cash nga dili moubos sa 850-mil pesos, upat ka mga cellphone og lain pang mahalong duha ka mga gadget nga gibana-banang mikantidad sa halos 500-mil pesos.
Wala pay labot niini ang issued firearm sa guwardiya. Sa karun, gipalawman na sa ginsakpan sa Trento Municipalm Police Station ang ilang imbestigasyon sa maong panghitabo.
