BUTUAN CITY – Nakakumpiska og muabot sa kapin 1.1 milyones ka pesos nga kantidad sa shabu ang usa ka adlaw nga operasyon batuk sa illegal nga drugas sa Caraga sa nakalabay nga adlaw.
Ang mga ginsakpan sa Provincial Drug Enforcement Unit-Surigao del Sur Police Provincial Office, 1st Provincial Mobile Force Company, og Lianga Municipal Police Station miaresto nila Archie Boquecosa Alpuerto”, 44-anyos, menyu, painter og residente sa Purok Kalipayan, Brgy. Bungtod, Tandag City, Surigao Del Sur og Juvan Suarez Duero, 38-anyos, menyu, panday sa Provincial Engineering Office, Tandag City og residente sa Purok Palmera, Brgy. Mabua, Tandag City, Surigao Del sur.
Ang parehong High Value individuals nakuhaan og 150 gramos nga suspected shabu nga nagkantidad og uno milyones og 20-mil pesos lakip na ang mga non-drug og drug paraphernalia. Samtang usa ka Alias “Elmer” 50-anyos usa ka Highvalue individual; alias “Rose”, og alias “Joseph” ang nadakpan sa Brgy. Bancasi, Butuan City human aktong nasapon nga nag-pot session; samtang usa ka alias “Cide” ang na-aresto sa Brgy. Ampayon, Butuan City.
Nakuha sa mga niini ang 20 gramos nga shabu nga gibana-banang mobalor sa 136-mil pesos.
Nagtingkagol na sa prisuhan ang mga niini samtang nag-atubang og kasong may kalapasan sa Comprehensive Dangerous Drugs Act of 2002.
