BUTUAN CITY – Mi-abot sa P34,333,157.51 nga balor sa ilegal nga druga ang malampusong nasunog kaganina sa broiler sa Orgon Wood Industries Inc. sa Sitio Bingkilan, Brgy. San Vicente ning siyudad sa Butuan.
Ang nasangpit nga mga ilegal nga druga nga gilangkuban sa shabu, marijuana, ecstacy, cocaine ug uban pa, mao kadtong nakumpiska sa mga anti-illegal drug operations sa ginsakpan sa Philippine Drug Enforcement Agency kon PDEA Regions 11, 12 ug 13 kon Caraga Region ug gipresentar nga mga ebidensya sa korte ug nadesisyunan na.
Sigon ni PDEA-Caraga spokesperson Dindo Abellanosa, na-isyuhan na og certificate of destruction ang nasangpit nga mga epektos apil na niini ang 4,209.0144-gramos sa shabu ug 47,598.9744-gramos nga marijuana.
Dugang pa sa opisyal, gihimo una ang random test sa maong mga epektos aron pagsuta sa ka-genuine niini adiser gipangsunog.
Tumong sa destruction nga ipakita sa tanan ang kamatu-uran sa ilang tinguha ug aron mawala na ang pagduda sa tanan nga ila pa kining i-recycle aron mabalik diha sa kadalanan.
