BUTUAN CITY – Milansang sa kapin 2-bilyunes pisos nga kantidad sa ilegal nga droga ang nakumpiska sa Philippine National Police Drug Enforcement Group kon PDEG gikan sa buwan sa Enero hangtud Disyembre ning tuiga.
Sigon ni PDEG Chief Police Brigadier General Eleazar Matta, lakip sa mga nakumpiskang ilegal nga droga ang shabu, marijuana plants, marijuana dried leaves, ketamine, kush, ecstasy, ug cocaine.
Bunga kii sa gilusad nga 698 ka mga operasyon sa kapulisan pinaagi sa buy bust operations, search warrant, ug marijuana eradication drive.
Na-aresto sa maong operasyon ang 809 ka mga drug suspects apil na ang 232 ka mga wanted persons. Sigon sa PNP, ang ilang operasyon kontra ilegal nga droga alang sa kaluwasan sa publiko ilabina sa kabataan subay na matud pa sa direktiba ni Pangulong Ferdinand Marcos Jr. alang sa malinawong kampanya kontra iligal nga droga sa nasud.
