BUTUAN CITY – Gihimo Sa Korte Suprema kaganinang buntag ang roll signing ceremony sa kapin 5-mil ka mga bag-ong abogado didto sa Philippine Arena sa lalawigan sa Bulacan rason nga opisyal na silang kabahin sa Philippine Bar human mipasar sa bar examination niadtong 2025.
Mi-abot sa 5,572 gikan sa 11,425 ka mga examinees ang nakakompleto sa Bar Examinations niadtong bulan sa Septyembre 2025 kondiin halos katunga sa kinatibuk-ang passing rate nga 48.8% sa mga nakapasar.
Sumala ni Associate Justice Amy Lazaro-Javier, Chairperson sa 2025 Bar Examinations, 22 sa mga nakapasar ang wala makatambong sa pisikal nga seremonya karong adlawa.
Sa unang higayon, gitugotan ang mga manumpa o inductees nga maka-uban o makatapad sa ilang mga hinigugma sa ilang mga lingkoranan.
Dugang pa ni Bar Mom Associate Justice Lazaro-Javier, karon pa lang kini nahitabo, mao nga gikinahanglan nilang ipahigayon ang seremonya sa usa sa pinakadakong venue o arena. Iya usab nga gihatagan og pag-ila ang mga inductees ug malipayon silang gitimbaya sa ilang pagtambong karong adlawa.
Mensahe niya sa tanan nga kung gusto silang mahimong maayô sa propesyon, angay lamang nga isalikway ang ideya nga espesyal ang ilang pagka-abogado, ug magpabiling mapa-ubsanon.
