BUTUAN CITY – Gikumpirma sa National Commission on Muslim Filipinos kon NCMF-Caraga nga kapin sa usa ka gatus ka mga pamilyang Maranao kon 500 ka mga indibidwal nga mikagiw gikan sa Marawi City og Lanao areas ang nagkatag karon sa nagkada-iyang bahin ning rehiyon.
Sigon ni Faisal Mamintal, tigpamaba sa NCMF-Caraga , sa Butuan City lang, mukabat na sa 50 ka mga pamilya kon 300 ka mga indibidwal ang midangop sa ilang mga kabanay og mga higala aron temporaryong makapuyo sa ilang pinuy-anan
Gikumpirma sa opisyal nga duna na’y mga Maranao settlements sa halos unom ka mga siyudad ning rehiyon apil niini sa mga siyudad saf Tandag, Surigao, Bayugan, Bislig og Cabadbaran.
Plano karon sa NCMF-Caraga regional office nga mang-apod apod og mga relief goods, mga tambal og sapot ngadto sa mga nanghiklng ilabina sa kababayen-an og kabataan.
Nakig-alayon na usab sila ngadto sa nagkada-iyang government agencies aron matabangan ang nangdagsa nga mga evacuees dinhi sa Caraga Region. (Beth Ruiz)
