BUTUAN CITY – Upat na ka mga tawo ang angul nga sa rehiyon sa Bicol, samtang kapin sa 2,600 ka mga indibidwal usab ang nagpabilin sa mga evacuation center (EC) sa tibuok nasud tungod sa bagyong Aghon, sumala sa taho sa Office of the Civil Defense (OCD) kagahapong adlawa.
Sa press conference nga gipahigayon, gipahibalo ni OCD spokesperson Edgar Posadas nga ang mga naangol nagsumikad sa Legazpi, Albay. Tulo sa maong mga nangaangul kay mga bata nga nag edad og 12, 11, ug 5, anyos ingon man usa usab ka 30 anyos nga nga lalaki.
Samtang, aduna usay kinatibuk-an nga 2,734 ka mga tawo, o 513 ka pamilya, ang apaektado sa maong bagyo, diin 2,669 niini ang kasamtangang nagpabilin sa mga evacuation centers (ECs).
Sumala sa Office of the Civil Defense, 17 ka balay na ang partially damaged ni Aghon samtang upat ka balay ang hingpit nga naguba.
