-- ADVERTISEMENT --

BUTUAN CITY – Kapin sa 18 milyones ka mga junior high school graduates sa Pilipinas ang gikonsiderang functionally illiterate base sa 2024 Functional Literacy, Education, and Mass Media Survey kon FLEMMS sa Philippine Statistics Authority kon PSA.

Kini  nagpasabot nga kulang sila sa abilidad sa sa pagsabot sa ilang gibasa, pagsulat, ug pagkwenta.

Mikunhod ang ihap sa mga literate nga indibidwal gikan sa 79 milyones ngadto sa 60 milyones rason nga namugna ang label nga “functional illiteracy.” 

Sigon ni PSA Assistant National Statistician Adrian Cerezo, apil ang 21% sa mga senior high school graduates sa mga estudyanteng maglisod pagsabot sa ilang gibasa.

Ang Rehiyon IX ang adunay pinakataas nga functional illiteracy rate, ilabina sa Tawi-Tawi.

-- ADVERTISEMENT --

Sa basic literacy, adunay 5.8 milyones ka mga Pilipino nga dili gihapon kabalo mobasa ug mosulat, ug kadaghanan niini anaa sa Bangsamoro Autonomous Region in Muslim Mindanao kon BARMM.

Samtang gikabalaka usab kini ni  Senador Sherwin Gatchalian dayong butyag nga kinahanglan kining tutukan pinaagi sa pagpakusog sa reading assessments ug pagtudlo og mga reading teacher aron masigurong matudlu-an og maayo ang mga estudyante pagsabot sa ilang gipangbasa.