Sa usa ka malampuson nga operasyon sa hini-usang kusog sa Philippine Drug Enforcement Agency (PDEA) ug Philippine National Police (PNP), duha ka indibidwal nga nalambigit sa ilegal nga droga ang nasikop sa mismong Quezon Memorial Circle.
Kini tungod sa gihimong buy-bust operation kansa nagresulta sa pagkasikop sa mga suspek ug pagkakumpiska sa ebidensya nga nagpamatuod sa ilang kalapasan sa balaod.
Lakip sa nakumpiska gikan sa mga suspek mao ang 2 ka kilo nga shabu diin gibanabana nga nagkantidad og ₱13.6 milyon. Dugang pa niini, nasakmit usab ang usa ka pulang sedan kansa gituohang gigamit sa ilang transaksyon ug duha ka cellular phone diin gituohang gigamit sa pakig-interaction sa uban pa nilang kaubanan sa pagpadagan sa iligal nga kalihukan.
Ang tanang nakumpiska nga droga ug kabtangan gilayon nga gipasaka sa PDEA Laboratory Service alang sa hingpit nga pagtuki ug gamiton isip ebidensya sa pagtaral.
Sumala ni PDEA Director General Isagani Nerez, ang kalampusan sa maong operasyon usa ka timaan sa padayon nga paningkamot sa gobyerno nga protektahan ang komunidad gikan sa kadaot sa ilegal nga droga ug buwagon ang mga sindikato sa tibuok nasud, subay sa mga tumong sa Bagong Pilipinas.
