BUTUAN CITY – Anaa na sa kostudiya sa Regional Drug Enforcement Unit kon RDEU-13 ang nadakpang usa ka drug personality apil na ang mga drug paraphernalia ug gitu-uhang shabu nga nakumpiska sa gilusad nga drug buy-bust operation kaganinang alas-2:20 sa kaadlawon didto sa Purok 1, Brgy. Amparo ning siyudad sa Butuan.
Nakuha gikan sa posisyon ni Eddie Jun Yañez, 25-anyos, ulitawo ug residente sa Purok 2-A, Brgy. Salvacion, ning siyudad Butuan ang usa ka sachet nga buy bust item kansa duna’y sulod nga gidudahang shabu ingon man upat ka laing sachets sa susamang epektos nga ang tanan mitimbang og 15-gramos ug gibana-banang nagkantidad og P115,600.00.
Apil sa nakuha sa operating team gikan sa RDEU-13, Butuan City Drug Enforcement Unit, Butuan City Police Station -5 ug Philippine Drug Enforcement Agency kon PDEA-Caraga P1,000.00 nga buy-bust money ug duha ka susamang kantidad nga counterfeit money.
