BUTUAN CITY – Muabot na sa 87-mil ka mga residente nga nagpuyo sulod sa six-kilometer danger zone sa Mount Kanlaon sa Negros island ang gibakwit na kagahapong adlawa tungod sa pagbuto sa maong bulkan.
Bisan pay namugna nga casualties ang maong pagbusikad apan giisa na ang alert level 3 tungod sa posibleng mas daghang pagbusikad nga mahitabo.
Gihimong dinalian ang pagbakwit sa mga siyudad og kumunidad dool sa bulkang kanlaod human ang mga niini naputos sa abo lakip na ang lungsod sa La Castellana sa Negros Occidental.
Subay niini gipaneguro ni Pangulong ferdinand Marcos jr andam ang gobyerno sa pag-asister sa liboang mga residente. Sigon pa sa pangulo nga andam na ang mga food packs og importanteng mga butang alang sa kapin 87-mil ka apektadong residente.
Dugang pa sa pangulo nga naka-abot na sa Negros Island si Social Welfare Secretary Rex Gatchalian aron molantaw sa nagpadayong relief efforts.
Una nang gibutyag ni Gatchalian nga kapin 1.4 milyones ka family food packs (FFPs) ang gi-andam sa ahensiya alang sa apektadong pamilya.
Samtang gipaneguro usab sa Department of Budget and Management nga igo ang pondo alang sa relief assistance sa pamilya.
