BUTUAN CITY – Muabot na matud pa sa 71 ka mga pamilya ang namakwit didto sa Sitio Tagkiling, Brgy. Anticala, sakop ning syudad sa Butuan human nga nadungagan ang ihap sa mga niini ning miaging adlaw.
Sa pakighinabi ning sibyahan, gibutyag ni Emy Torralba, usa sa mga nagpahiluna sa mga bakwit, nga kasamtangan na matud pa nga anaa didto sa Tagkiling Tribal Elementary School nahimutang ang nasangpit nga mga namakwit human nga nangahadlok ang mga niini sa sunod-sunod nga panag-engkwentro tali sa tropa sa kasundaluhan ug sa walhong grupo sa maong lugar sukad pa niadtong Sept. 13 ning tuiga.
Sigon niini nga naggikan matud pa ang maong mga bakwit sa mga komunidad didto sa Sitio Dugyaman, Kadlaan ug Patagon, parehong sakop sa Brgy. Anticala, ning syudad sa Butuan.
Nag-una matud pang problema sa karon mao ang suplay sa pagkaon ingon man ang wala’y ayong nga lugar nga gi-istaran sa mga bakwit.
Ug hangtud sa karon, wala pa usab hingpit nga tabang ang ilang nadawat gikan sa gobyerno partikular na sa opisina sa City Social Welfare and Development ( CSWD ) – Butuan. . (Mon Aplaya)
