-- ADVERTISEMENT --
BUTUAN CITY – Mu-abot sa katibuk-ang 42 ka piloto gikan sa Pilipinas og dili moubos sa 20 ka piloto usab gikan sa HongKong, Taiwan, Korea ug China ang magtapok ug maglumba alang sa 3rd Transtec Kwad International Night Race Event.
Ipahigayon kini karung Agusto 10 ug 11, ning tuiga sa Luna Race Track, San Jose, Dinagat Islands.
Ang nasangpit nga drone racing mao ang kinapungkayan sa lumba sa umalabot nga henerasyon uban sa pakig-alayon usab sa pribadong racing company.
Himoon ang opening program karung Agosto 10 sa ala-una sa hapon sa may Luna Race Track sa lungsod sa San Jose og dinhi makita sa mga langyaw’ng bisita ang ka-anindot sa Dinagat Islands.
