Ming-abot na usab sa Ninoy Aquino International Airport (NAIA) kaganihang buntag ang usa ka government-chartered flight nga mingsugat sa mga distressed ug stranded nga overseas Filipino workers (OFWs) gikan sa Riyadh, Saudi Arabia.
Sakay sa Philippine Airlines flight PR8502 ang kinatibuk-ang 343 ka pasahero, nga gilangkoban sa 328 ka adult OFWs, 11 ka batang kapin sa 2-years old, 2 ka batang wala pa nag-2 ka tuig ug 2 ka escorts.
Mingtugdong ang moang flight sa NAIA sa mya alas-6:35 sa buntag base sa Malacañang.
Sa ilang pag-abot sa nasud, gisugat ug gi-atiman gilayon sila sa mga team gikan sa Department of Migrant Workers (DMW), Department of Health (DOH), Department of Social Welfare and Development (DSWD), Overseas Workers Welfare Administration (OWWA), ug uban pang partner agencies aron masiguro ang husto nga proseso sa ilang pag-abot ug dali-ang tabang.
Lakip sa gihatag nga assistance sa mga OFW ang transportation ug hotel accommodation alang sa mga mo-uli sa ilang mga probinsya, pagkaon ug ilimnon samtang naghulat ug financial assistance.
Sumala ni OWWA Administrator Atty. PY Caunan, nga parte ang pag-abot sa mga OFW sa nagpadayon nga repatriation efforts sa gobyerno alang sa mga Pilipino sa Middle East talwala sa nagpadayon nga tension sa rehiyon.
Kini ang ika-duha nga batch sa mga repatriates gikan sa Tunga-tungang Sidlkan. Ang unang flight nga adunay sakay nga mga Pilipinong gi-repatrate gikan sa Dubai ming-abot sa nasud niadtong Marso 5.
