BUTUAN CITY – Dunay katibuk-ang 314,785 nga kaso sa dengue ang natala sa nasud niadtong Oktubre ning tuiga. Apan sumala sa Department of Health mikunhod ang kaso sa dengue diin niadtong Setyembre 29 hangtud sa Oktubre 12 nakabaton og pagkunhod sa eight percent.
Sigon pa sa ahensya, mikunhod ang ihap sa mga namatay karung tuiga kumpara sa kaparehong panahon niadtong nakalabay nga tuig. Samtang tungod sa ting-ulan ug taas nga tiyansa sa pagpanganak sa mga lamok, gisiguro sa Department of Health sa publiko nga andam ang ilang mga pasilidad alang niini.
Aron malikayan ang mga kaso sa dengue, padayon ang pakig-alayon sa ahensya sa mga local government units diin gihagit niini ang publiko nga magsuot og mga senina nga mas makatabon sa ilang panit o mogamit sa mga mosquito repellant.
Gitambagan usab ni Health Secretary Ted Herbosa ang publiko nga moadtu sa pinakadool nga health facility para sa magpakonsulta kung nakasinati og sintomas sa dengue.
