BUTUAN CITY – Muabot sa 278 ka miembro sa Underground Mass Organizations (UGMO) ug 34 ka mga miembro sa New People’s Army-Milisya ng Bayan (NPA-MB) ang nag-withdrew na sa ilang suporta ngadto sa Communist Party of the Philippines-New People’s Army kon CPP-NPA sa Sitio Hinandayan, Barangay Camagong, Nasipit, Agusan del Norte.
Sa pakighinabi sa Bombo Radyo Butuan, gipadayag ni Lt. Col. Julius Cesar Paulo, commander sa 23rd Infantry Battalion, Philippine Army, malipayon ug mapasalamaton sila sa desisyon sa maong ihap tungod kay ang ilang lugar gi-ila mang stronghold sa NPA.
Sumala ni Lt. Col Paulo, human ang pagpanumpa ug pakig-alayon sa gobyerno sa maong mga indibdiwal, misaad silang suportahan ang mga programa sa gobyerno alang sa kalinaw ug kalambuan.
Gitawag usab sa opisyal nga makasaysayanon ang pagbalik na nila sabakan sa balaud nga gisaksihan sa mga local officials sa lugar uban ang mga field unit commanders sa 23rd Infantry Battalion, Philippine Army.
Gipadayag usab sa opisyal nga atol sa pag-surrender, bit-bit nila ang duha ka cal. 357 revolver ug 10 ka mga shotguns.
Alayon niini nanawagan ang opisyal sa mga rebeldeng NPA nga pabiling nagdagan-dagan sa kabukiran nga dili pa ulahi ang tanan aron magbag-o sanglit adunay gigahin nga programa ang gobyerno nga desinyo alang kanila ingon man aron maka-uban ang usab ang ilang tagsa-tagsa ka pamilya.
