BUTUAN CITY – Gikompirmar sa Philippine Coast Guard nga duna kini nasigpatang anaa sa 27 ka mga barko sa China sa Bajo de Masinoc shoal sa West Philippine Sea.
Sumala sa report nga gipagawas sa PCG, mokabat matud pa sa 25 ka Chinese Maritime Militia vessels ingon man 2 ka mga China Coast Guard vessels ang ilang gimonitor sa nasangpit nga lugar.
Matud ni PCG Spokesperson for the West Philippine Sea, Commodore Jay Tarriela, ang duha ka mga barko sa CCG nasigpatang anaa mismo sulod mismo sa Bajo de Masinloc shoal.
Apan gawas niini, gikataho sa nasangpit nga opisyal nga wala silay nakit anga mga floating barrier sa nasangpit nga dapit.
Una nang gikataho sa kanhi opisyal sa Air Force sa Estados Unidos ug ni kanhi Defense Attaché Ray Powell nga anaa sa 10 ka mga barko sa militia sa China ug duha ka mga barko sa CCG ang ilahang nasigpatan sa nasangpit nga teritoryo sa pilipinas.
