BUTUAN CITY – Gikumpirma ni Danilo Gallogo, ang hepe sa Technical and Vocational Department sa Butuan City School of Arts and Trades nga mu-abot sa 1,800 ka mga junior ug senior high school students ang gila-umang misulod sa unang adlaw sa school year 2024-2025.
Sa eksklusibong pakighinabi ning sibyahan, gibutyag sa opisyal nga mihimo sila og orientation kaganinang buntag aron matud-an sa mga bata ang ilang classrooms ug ma-ilhan ang ilang mga advisers.
Mas taas matud pa ang mga enrolees karon nga school year nga mi-abot sa 1,880 kumpara sa 1,700 ning mi-aging tuig ug gila-umang madugangan pa sa umalabot nga mga adlaw.
Tungod sa kadaghansa ilang mga estudyante, ang matag-classro;om duna’y duha ka section kondiin sa buntag ang academic samtang sa hapon usab ang alang sa shop.
